664/2024-2025

Mamit 4th June, 2024 : Mamit District chhunga MP Lok Sabha General Election - 2024 neih zawh taka vote tlate tluang taka chhiar zawh a ni a. Vote tlate hi Counting Hall pathum 1-Hachhek AS, DRDO Conference Hall, 2-Dampa AS, Taitesena Buk, DC Complex leh 3- Mamit AS DC Conference Hall-ah te chhiar a ni.

Mamit District chhungah hian Pu Richard Vanlalhmangaiha, Zoram People's Movement (ZPM) chuan vote hmu sang berin 16690 a hmu a. Hetiang hi candidates-te vote hmuh dan a ni:

1. Lalbiakzama, INC - 7648

2. Richard Vanlalhmangaiha, ZPM - 16690

3. Vanlalhmuaka, BJP - 3826

4. K.Vanlalvena, MNF - 12277

5. Rita Malsawmi, MPC - 285

6. Lalhriatrenga Chhangte, Ind - 340

7. Nota - 250 

MP Lok Sabha General Election Counting atana Asst. Returning Officer tura ruat pathum  1- Hachhek AS Pu Malsawmzuala DRDO, 2-Dampa AS Pu Zoremthara Ralte, Addl. DC leh 3-Mamit AS Pu V.L. Remliana, District Bawrhsap-te chuan Counting Hall tinte hneh takin an vil a, Pu Md. Mumtaz Alam, SCS (BH) Mamit District Counting Observer chuan vawiin vote chhiar hi a thutchilh a, zing dar 8 atang vote hi chhiar tan niin boruak muanawm tak hnuaiah zawhfel a ni a.