Mamit District Swami Vivekananda PYYKA Rural Competition 2013 chu vawiin 22 Oct, 2013 hian GSA Playground ah Pu V. Lalremthanga, IAS District Bawrhsap chuan khuallian niin a hawng.
Hawnna hun Pu Lalzamliana Sailo, Chairman Organising Committee, Mamit District PYYKA Competition 2013 kaihhruaiah thu sawiin khuallian chuan infiammi te chu District khat vek kan nih avangin inpumkhatna, inthianthatna nen intihsiakna hmachhawn turin a chah a. Kum dik tak a tel ngam tur leh kum dik lo a infiamna kan kalpui thin hi a hmanlai tawh a, tunlai thangthar ten kum hlepru lova, mahni kum dik tak a tel thin turin infiammi te a chah a ni.
Mamit District PYYKA Rural Competition 2013 ah hian Mamit District chhung Block Pathum W. Phaileng, Zawlnuam leh Reiek atangin infiammi mi 200 ten Infiamna discipline 10 (sawm) ah inelna an nei dawn a, heta titha te hian State Level PYYKA Sport ah Mamit District ai an awh dawn a ni. Discipline hrang hrangte hi District Level Sports Association ten buaipuiin intihsiakna an kalpui a ni.
