No.1507/2020-2021 

India ram hmun hrang hrang atanga tangkhang lo hawte awmna tura buatsaih Quarantine Facility-ah vawiin thlengin mi 235 an awm mek.

Quarantine Centre hrang hranga khunghrante hi ram chhung hmun hrang hrang atanga hruai haw te niin Tourist Lodge, Mamit-ah mi 13 awm mekin Gov't Girls Hostel Kawrthah-ah mi 9 an awm mek a. Field Veng Presbyterian Kohhran, Hall Mamitah mi 20, Hmunsam Presbyterian Kohhran Hall-ah mi 21, Polytechnic Building I-ah mi 47, St. Francis of Assisi School, Mamit-ah mi 67, Presbyterian Kohhran Hall, Venghlun Mamit-ah mi 28, Presbyterian Kohhran Hall, Dinthar Mamit-ah mi 22, Reiek Lodge-ah mi 6 bakah CCC (SSA Girls Hostel)-ah mi 2 an awm mek bawk a ni.

Nimin lam khan SSA Boys Hostel, Mamit, Tourist Lodge, Mamit, Polytechnic Mamit, BDO Rest House, Zawlnuam leh Govt. H/S, W. Phaileng-a Quarantine lai mi 83 te chu anmahni-ah COVID-19 vei ni-a rinhlelhna tur a awm loh avang leh chawlhkar hnih (ni 14) chhung khunghran an nih tawh avangin chhuahtir an ni.

Tun dinhmunah Mamit District chhung Quarantine Facility Centre hrang hranga khunghran mekte hi an vaiin mi 235 an ni.