Mamit 1st June, 2020 : India ram hmun hrang hrang atanga tangkhang lo hawte awmna tura buatsaih Mamit District chhunga Quarantine Facility-ah vawiin thlengin mi 325 an awm mek a. Vawiin khan mi 23 New Delhi, Nagpur, W. Bengal, Gujarat, Madya Pradesh, Andra Pradesh leh Rajasthan atanga hruai haw te chu khunghran belh an ni.

Quarantine Centre hrang hranga khunghrante hi ram chhung hmun hrang hrang atanga hruai haw te niin Tourist Lodge, Mamit-ah mi 40 awm mekin Gov't Girls Hostel Kawrthah-ah mi 9 an awm mek a. BDO Rest House, Zawlnuam-ah mi 11, Govt H/S W. Phailengah mi 21, Field Veng Presbyterian Kohhran Hall, Mamit-ah mi 20, Hmunsam Presbyterian Kohhran Hall-ah mi 21, Polytechnic Building I-ah mi 47, St. Francis of Assisi School, Mamit-ah mi 67, Presbyterian Kohhran Hall, Venghlun Mamit-ah mi 27, Presbyterian Kohhran Hall, Dinthar Mamit-ah mi 20, Reiek Lodge-ah mi 18, Covid Care Centre (SSA Girls Hostel)-ah mi 2, Govt. Middle School II-ah mi 13 bakah BCM H/S Veng, Mamit-ah mi 8 an awm mek bawk a ni.

 Tun dinhmunah Mamit District chhung Quarantine Facility Centre hrang hranga khunghran mekte hi 324 leh Home quarantine-ah mi 1, an vaiin mi 325 an ni.