818/2026-2027

Dated : Mamit the 3rd of June, 2026: Nimin khan DC Conference Hall (LAD Building), Mamit-ah District Tourism Destination Management Committee (DTDMC) chu Pu Suvigya S Chandra, IAS, Deputy Commissioner, Mamit District hovin neih a ni.

District Bawrhsap chuan tourism hi sumdawnna leh hna thar tam tak siam theihna a nih theih thu leh Mamit District chu a ram hmunhma leh inkalpawhna tha avangin tourism lamah hmasawn thei tak a nih thu a sawi bawk.

Thutkhawmah hian District chhunga tourist te tana tlawhpawh mai theih tur hmun chungchang sawiho a ni a, Mamit District Village Council zawng zawngte hnenah tourist te hip thei tur hmun nuam awm thei tur, Guest house, Homestay leh tourism-a hman theih dangte chu zawng chhuak a, DC office-ah hriattir nise tih niin, Tourist-te hun rei zawk an awm theih nan Public Toilet, ei leh inna hmun tha, transportation leh hospitality service tih changtlung dan turte pawh ngaihtuah a ni.

Thukhawm hian adventure tourism leh eco-tourism hmasawnna turte pawh sawiho a ni a. ATV ride, cycling festival, jeep safari, motorcycle tourism, nature walk, bird watching, trekking, rock climbing, zipline, paragliding leh tourism activity-te neih theih dan  ngaihtuah a ni a. Dapchhuah-a Tut River hmasawnna project sawi lan niin, Kayak, Rowboat, Jet ski leh tourist-te cham theihna tur hmun siam chungchang sawiho niin tourism hmasawnna atan Zongaw–Khanthuam–Tuirum inkara nature trail siam dan zirchianna leh campsite hmun remchang thlan chungchangte pawh rel a ni.

Meeting hian Vaisam Park (LAD Park) hmasawnna chungchang pawh sawiho a ni a, Green Mizoram Day pualin Mamit District-a thing leh pangpar lar te LAD Park leh Mamit khua luhna Highway Gate hmunah phun ni se tih a bawk.