No.4201/2020-2021

Mamit 18th Aug, 2020 : Tunhnai ah Covid - 19 positive contact mi pakhat chu Mamit-ah lo haw in, Mamit khawpui chhunga hmun hrang hrang a tlawhkuala, Amah hi Rapid Antigen Test tih sak nghal niin a negative tih hriat a ni a, hetih rual hian test rintlak zawk RT- PCR test tih sak tura ruahman a ni. He thil thleng avanga COVID - 19 hripui inkaidarh anih loh nan leh contact tracing awlsam zawka kalpui anih theihnan thupek chhuah a tula hriat a ni a. Chuvangin Dr. Lalrozama, IAS District Magistrate, Mamit District chuan CR.PC Sec 144, 1973 ( Act of II of 1973) leh Section 11 (I) of the Mizoram Epidemic Diseases (COVID - 19) Regulations, 2020 in thuneihna a pek angin a hnuaia mi ang hian thupek a chhuah:-

1. Dt 18.08.2020 atanga 20.08.2020 zan dar 8:30 chhung atan Mamit khawpui chhungah Lockdown puan a ni.

2. Mamit atanga bungraw thiar chhuak emaw la lut turte'n VLTF recommend-na nen Deputy Commissioner hnen atangin phalna an la tur a ni. Essential commodities tan erawh phalna hranpa a ngai lovang.

3. Mamit khawpui atanga luh leh chhuah (zin veivah) khap tlat a ni. Tulbik thil ah leh loh theih loh thilah chuan DC emaw Chairman VLTF-te phalna lak hmasak zel a ngai thung ang.

4. Mamit Khawpui chhunga dawr leh sumdawnna hmunte chu Lockdown chhungin hawn phal a ni lo. Tulbik thilah chuan DC emaw Chairman VLTF-te phalna in dawr hi hawn phal a ni ang. Damdawi chauh zawrhna dawr bikte chu hawn phal a ni.

5. Mamit khawpui chhungah lirthei hmanga mipui chetvelna khap tlat a ni. Hei hian Election kaihhnawih a chhuakte motor, Sawrkar hnathawk duty-te motor, ambulance leh medical/veterinary emergency-a hman motor-te, Sawrkar leh Private Hospital-a thawkte motor, essential commodities phur motor, bank hnathawkte office kalna motor, telecom service duty-na motor, print & electronics media mite motor, Kohhran hminga motor register-te, bawlhlawh paih motor, bawnghnute phurh/semna motor-te leh VLTF duty-te lirthei leh phalna neia bungraw phur motor-te a huam lo ang. Tulbik leh loh theih loh thilah chuan DC emaw Chairman VLTF te'n lirthei tlan phalna an pe thei ang.

6. Mamit khawpui chhungah phalna neilo chuan tumahin mahni in leh compound an chhuahsan tur a ni lo. Hei hian DC leh VLTF te'n phalna an pekte leh a hnuaia tarlan te hi a huam lo ang.
a) Sawrkar hnathawk duty leh office kal/haw te.
b) Election kaihnawiha duty te.
c) Medical leh Veterinary emergency duty leh hospital-a thawkte.
d) Bank, insurance, ATM , postal, telecom service provider hnathawkte.
e) Print & electronics media, cable leh internet services a thawkte.
f) Bawnghnute sem leh bawlhlawh paih.
g) Petrol pump leh LPG delivery a thawktute.

Thupek bawhchhetu chu Section 188, IPC hmangin hrem theih an ni ang. He thupek hian chhuah a nih atanga ni 20.08.2020 zan dar 8:30 thleng a huam ang.