Vawiin khan DIPRO Office Chamber-ah District Information & Public Relations Mamit a thawktute leh Mizoram Journalists' Association Mamit District Member-te chuan Kumthar inhlantharna leh thingpui inho an nei a. He hun hi Pu Paul Rokima, DIPRO Mamit chuan a kaihruai.

Pu Paul Rokima, MIS chuan MJA Mamit nena thawhhona tha tak an nei thin chu lawmawm a tih thu a sawi a. Hun lokal lehzel turah pawh lungrual taka thawkho zel turin a sawm a. Kum a thar angin, Print Media lamah tan la a, copy tam zawk chhuah tum turin a chah a. Mipui tana rawngbawl an nih angin, ram leh khawtlang tana thahnemngai taka thawk turin a chah bawk.

Pu C. Lalramdinzela, President MJA pawhin Information Department-te nena thawhhona tha tak an neih chu chhawmnun zel anih dawn thu a sawi a. MJA Members-te pawh finchhuah an ngaihna laia finchhuah turin a sawm bawk a ni.

Pu H. Lalramliana, General Secretary, MJA Mamit District chuan Bible chhiar-a Pathian hnena inhlanna hun hi a hmang a ni.

Vawiin inhlantharna hunah hian a duh apiang tana thusawina hun hawn niin thawhhona tha lehzual neihna tura thil pawimawh tak takte sawiho a ni bawk.

Mamit District-ah hian MJA Member 12 awm mekin Accredited Journalists' Members 7 an awm a ni.