1828/2024-2025

Dated: Mamit the 29th of August, 2024 : Ni 27th August, Thawhleh zana ruah nasa tak sur avangin Mamit Bazar venga chenna In pahnih leikhi in a tihchet a vangin luahzui ngam a ni lova, Pu Lalrinchhana Hrahsel leh Pu H. Lalchhuanawma te In chu vawiin khan an bungrua thiarchhuah a ni. Nizan lamah pawh riah ngam a nih tawh loh avangin hmundangah an lo riakchhuak tawh a ni. Kum 2009 a Mamit Bazar veng leitlakhniamna leh leichetna ah leikhi hi a awm leh a ni.

Mamit khawpui chhung Mamit Field venga Pi Lalliankimi te chenna In pawh leikhi nasa tak avangin vawiin khan an bungrua thiarchhuah a ni bawk. Mamit Field veng leikhikna hmun hi tunhma pawha lei tlak hniamna lo awm tawhna  a ni a, New Diamond School bul a ni. 

Ni 27th August, 2024 (Thawhleh zan) Ruahsur nasa tak avang hian hmun hrang hrangah leimin a siam nasa hle a, khawchhung inkalpawhna hrang hrangte thenfai tawh niin, NH 44A Mamit atanga Darlak panna kawngko min chu tun dinhmunah thenfai zawh ala nilo a, leimin hian kawngchhuat a tichhe nasa hle a ni.

Chhiatna hrang hrang thleng te hi Pi Grace Lalremdiki Sailo, SDC, DM&R chuan a hmunah a enfiah nghal a ni.