Vawiin khan D.C Conference Hall, Mamitah faina leh thianghlimna kawnga India ramin hma a lakna hnuaia khawpui fai thlanna neih turah Mizoram chu khawpui fai ber kan nih ngei theihna tura Mamit khawpuiin hma a alak dan tur ngaihtuahin vawiin khan Pi Lalbiaksangi, Chairman Sanitation Task Force,  Mamit District / District Bawrhsap ni bawk hovin thutkhawm a ni.

Vawiin thutkhawmah hian Pi Lalbiaksangi, District Bawrhsap chuan Swachh Survekshan 2018 hnuaia hmalakna kalpui a nih dan tura ruahmanna awm hrang hrangte sawizauna leh Mizoram Sawrkarin hemi atana inbuatsaihna a kalpui dante a sawi a ni.

Pu H.D Lalpekmawia, DUDO, Mamit chuan Swachh Survekshan 2018 hnuaia khawpui fai inelna tura tehfung hrang hrang awmte a lem nen a tarlang bawk.

Meeting hian faina kawnga hmalakna tur atan hian khawpui chhunga Sawrkar Department tinte leh Zirna inte chu office leh chhehvelte tihfai thin ni se tih a ni a, SP Office leh Zirna inte hian kartin Zirtawpni chawhnuah neih thin ni se tih a ni a. Sawrkar Department tinte hian anmahni remchan dan angin he hmalakna hi kalpui se tih a ni. Hei bakah hian Swachh Survekshan 2018 hnuaia hmalakna puanzarna atan hian Mamit khawpui chhunga Sawrkar Department hrang hrang, Tlawmngai pawl aiawh, khawtlang hruaitu, Bazar Association te tan kokim zawka in kohkhawm leh ni se tih a ni.

Meeting-ah hian Mamit Town Level Sanitation Task Force Committee Members te an tel a ni.