No.2917/2021-2022
Aizawl 8th November, 2021 : Sairang - Lengte leh Nghalchawm inkalpawhna kawng chu siamthat (Rigid Pavement upgrade) lai mek a nih avangin helai kawnga lirthei leh mihring kal dan tur chungchangah ruahmanna siam tula hriat a ni a.
Chuvangin, Pu Zoramthara, MPS Superintendent of Police Mamit chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin Sairang - Lengte leh Nghalchawm kawng a lirthei leh mihring kal dan tur ruahmanna a hnuai ami ang hian a siam a ni.
1. Kawng hnathawh hun chhung - Tuesday - Friday (Kawng khar)
2. Kawng nghah char chhung - Saturday - Sunday(Kawng khar)
3. Kawng hawn chhung - Monday (6:00 am - 9:00 pm)
Mipuite hriattur :
1. Kawng khar (Block) chhung (hnathawh leh nghahchar chhung) hian mihring leh lirthei eng chi mah hnathawh tibuai leh tichhe zawng a veivah phal a ni lo.
2. Kawng hawn chhung hian Lirthei 407 chin chunglam leh lirthei rit lutuk phur(overload) kal phal a ni lo.
3. Damlohna thil emaw rikrum thil(emergency) a awm anih chuan khawtlang hruaitute, concerned Department Field Staff te leh he kawng siamtu Contractor ten ruahmanna an siam thei ang.
He thupek hian Dt.09.11.2021(Tuesday) atanga he kawngpui siam hna thawh hun chhung a huam ang. Mipuite'n kawng tha zawk kan neih theihna tur anih avangin he kawng Sairang - Lengte leh Nghalchawm inkalpawhna kawng hi hnathawktuten hun tiam chhunga an zawh ngei theihna tur a chunga lirthei tlan dan tur ruahmanna siam hi helai kawnga lirthei khalhtu zawng zawngte leh ke a kal thin ten zawm theuh tur a ngen leh hriattir kan ni a. He thupek bawhchhia chu U/s 179 MV Act hmanga hrem theih an ni ang.
