2961/2024-2025

Dated: Mamit the 13th of November, 2024: Vawiin chawhma dar 11 khan DC Conference hall, Mamit-ah Pu Jacob Lalawmpuia District Bawrhsap kaihhruainain Mamit Town Sanitation Task Force chu district fai intihsiakna lo awm tur "Mizoram Cleanliness Competition 2024" atana hmalak dan tur sawiin an thukhawm.

He hunah hian Pu Jacob Lalawmpuia chuan kalkhawmte chungah lawmthu a sawi a, Mamit District chu nasa taka faina kawng a tan a tul thu sawiin, district fai leh entawntlak ni turin hmalak a tul thu a sawi. District Bawrhsap chuan thawhhona tha neih a pawimawh a, khawtlang hruaitute leh line department tin ten theihtawp a faina kawng a hma la turin a chah nghal bawk a ni.

He thutkhawmah hian Mizoram Cleanliness Competition 2024 hnuaia tih tur activity hrang hrang te Pi Grace Lalremdiki Sailo, DUDO ho a thlir lawkna neih a ni a, hmalak dan turte sawiho nghal a ni. Mamit Town Sanitation Task Force member te, line department te, NGO hruaitute leh VC hruaitute a tel a ni.