Mamit in KTP khawmpui lian Dt 4-7 March, 2010 hiar an thlen turah tui lama harsatna sutkian nan Kurung lui hnar lak belh hna thawh mek a ni a, he hna hi Rajiv Gandhi National Drinking Water Mission (RGNDWM) atangin National Drinking Water Programme (NRDWP) hnuaia sustainability component atanga sum hmuh a ni. He hna hi a pumpui chuan Rs 33.30 Lakhs estimate a ni in 90%( Rs 29.97 lakhs) hi pawisa release a ni a, 10% ( Rs 3.33 lakhs) erawh mipuite (Beneficiary) tum ve tur chi a ni.
He mi guideline ang hian Rs 29.97 lakhs pawisa hi State Water & Sanitation Mission (SWSM) atangin hmuh a ni tawh a, hna pawh thawh tan mek a ni a, a la bang Rs 3.33 lakhs erawh hi chu Mamit mipuiten an tum ve tur a ni. Guideline in a phut angin he 10% ( Rs 3.33 lakhs) hi mipuite tha in rul dawn ta ang se ni 1 Rs 150/- hisapin tha 2220 lai mai hnatlang tha Mamit mipui hian a thawh ve a ngai a ni.
A vawi khat nan VC 5 atangin tha 15 theuh thawh phawt ni se tih a ni a, a vaiin tha 75 chauh ala ni tihna a ni. Hun a tlem tawh avangin mipuiin an thawh ve tur tha 2220 lai mai hi ngaih pawimawh a nih lova PHE Department kut chauh nghah anih chuan Khawmpui hmain zawh hman ni lovang tih a hlauhawm hle a ni.
He kurung lui hnar lak belh hi khawmpui chhung atan mai a ni lova, kum rei tak thlenga Mamit chawmtu tur a nih avangin theih tawp kan chhuah tlan a ngaih avangin khawtlang mipuite pawhin thil kalphung hrethiam turin Er Lalropuia Hmar, Executive Engineer Mamit WATSAN Division chuan thuchhuah a siam.
A vawi khat nan VC 5 atangin tha 15 theuh thawh phawt ni se tih a ni a, a vaiin tha 75 chauh ala ni tihna a ni. Hun a tlem tawh avangin mipuiin an thawh ve tur tha 2220 lai mai hi ngaih pawimawh a nih lova PHE Department kut chauh nghah anih chuan Khawmpui hmain zawh hman ni lovang tih a hlauhawm hle a ni.
He kurung lui hnar lak belh hi khawmpui chhung atan mai a ni lova, kum rei tak thlenga Mamit chawmtu tur a nih avangin theih tawp kan chhuah tlan a ngaih avangin khawtlang mipuite pawhin thil kalphung hrethiam turin Er Lalropuia Hmar, Executive Engineer Mamit WATSAN Division chuan thuchhuah a siam.
