Vawiin khan Kumtluang Hall, CMO Office, Mamitah National AYUSH Mission, Health & Family Welfare Department, Govt.of Mizoram buatsaihin Mamit District chhunga ASHA zawng zawng leh Mobilizers-te tan 'Training Programme for Orientation of ASHAs to the potential of AYUSH on General Wellness with Special Reference to Diabetes Mellitus" buatsaih a ni a. Training Programme hi Dr. Zothankhuma, Chief Medical Officer, Mamit District chuan a hawng.

Training hawngtu Dr. Zothankhuma chuan Mamit District chu Aspirational District kan ni a, chumi awmzia chu hmasawn tum emaw hmasawn mek District tihna a nih avangin Health Department pawhin nasa takin hmasawn kan tum a, thawktute pawhin nasa zawka tan kan lak a tul hle a ni a ti. AYUSH chu Central lama an ngaihpawimawhzia tarlangin Mamit District pawhin hriselna kawnga hmasawnna nei lehzual tura Training chu hmang theuh turin kalkhawmte duhsakna a hlan.

National AYUSH Mission Office lam atangin Dr.T. Lalliankimi, Programme Officer (AYUSH) bakah Mamit District chhunga AYUSH Medical Officer pahnih Dr. B.Hmingthansanga leh Dr. Vanzampuii te'n Training hi an pe a ni.

Training-ah hian Mamit District chhunga ASHA-te leh Mobilizers-te an kal tha hle a ni.