Ramchhung hmun dang atanga Manipur State panna kawngpui NH-39 leh NH-53 danchah anih avangin Manipur Sawrkar chuan mipui nitin mamawh leh damdawi te Silchar-Aizawl-Sinzawl-Churachandpur-Imphal kawngah phurh luh turin ruahmanna a siam a. Hemi chungchangah hian Mizoram Sawrkar puihna a ngen a. Mizoram Sawrkar pawhin Manipur harsatna tawh mek hi hriatthiam puiin Mizoram paltlang-a bungraw phurhluh tur hi Sawrkar Department-a thawktute leh mipuiten harsatna siam lova tanpui an ngaihna-ah lo tanpui turin a ngen a ni.