No.6521/2020-2021


Aizawl, the 12th November 2020 : Mara Autonomous District Council hnuaia chhan hrang hrang avanga Village Council 8-a seat 38 hmunawl hnawhkhahna turin State Election Commission chuan ni 13.10.2020 khan inthlanna ni 10.11.2020-a neih turin a puang a, inthlanna hi tluang taka neih zawh a ni. He Village Council 8(pariat) a inthlanna buatsaih ah hian voters 5033 awmin voters 4008-in vote an thlak a, a pumpuia vote thlak zat percentage chu 79.63 % a ni.

 

Vote tlak that ber na Village Council Constituency hi 88.31 % vote tlakna 84 - Khopai Village Council Constituency a ni a, Voter 462 awmah 408 in vote an thlak a ni. Vote tlak chhiatna ber chu 21 - College Vaih - I a ni a, he Village Council Constituency ah hian Voter 960 awmah 657 in vote an thlak a, 68.44 % in vote an thlak a ni.

 

He inthlanna (By Election) ah hian BJP, INC, MNF leh Independent candidate ten a chuh a. BJP in General Seat 12 leh Reserved Seat 2; INC in General Seat 1; MNF in General Seat 18 leh Reserved Seat 5 an la a ni.

 

Hripui COVID-19 leng karah inthlanna hi buatsaih loh theihloh a ni a, he inthlanna ah hian harsatna lian tham thleng a awm lo a, vote thlak chungchang bakah dan leh thupek kenkawh kawngah leh inbiak pawhna lamah pawh District Election Officer leh a thawhpuite, SP, Siaha leh a thawhpuite, Returning Officer-te, Polling Official leh Counting Official-te leh Political Party-te, MPF leh NGO-te inpekna leh thahnemngaihna avangin inthlanna a felfaiin a muanawm hle a. State Election Commission chuan he inthlanna tluang taka neih a nih theihna atana mawhphurtu leh tha thawhtu zawng zawngte chungah leh Democracy tihlawhtling tura vote thlaktu mipuite chungah lawmthu a sawi tak zet a ni.