559/2024-2025
2024 Ṭomir thla ni 25: State Meteorological Centre, Govt of Mizoram thuchhuahin a tar lan angin Cyclone thlipui Bay of Bengal-a insiam mekin a hrut theih tur zingah Mizoram tel lo mah se, Mizoram hmun ṭhenkhatah ruah tam tham tak Ni 26 leh 27 May, 2024 hian a rawn thlen tura ngaih a ni a. Thli pawh na vak lovin (50-70 kmph vel) thawk thei tura ngaih a ni bawk a ni.

Thlipui chungchangah hian mipuite chi-ai lo turin kan inhriattir a; amaherawhchu, mipuite thlipui leh ruah thleng thut palh thei laka fimkhur tur leh a hnuaia tar lante hi zawm turin kan inhriattir a ni.

1. Mahni in leh lo thli leh ruahin a dawl theih nan a ṭul anga thawm ṭhat ngai laite thawm ṭhat tur a ni.
2. Mahni in leh a velah lei min hlauhawm a awm a nih chuan silpaulin/tarpaulin-a khuh ṭhat tur a ni.
3. Thing leh mau, thliin a len thluk mai theih, electric wire delh mai theihte chu kih emaw, a zar thlak tur a ni.
4. Thlipui leh ruah vanga eng (current) neih loh theih a nih avangin electric hmang thilte charge lawkin, eng awm lohva eng chhit tur kan inruahman lawk tur a ni.
5. Lui leh tui hmunah te kal loh tur a ni.
6. Thu dik tawk lo leh belh chian dawl lo theh darh loh tur a ni a, lo theh darh an awm chuan DM Act 2005 hnuaia hremna dan ziak angin an chungah action lak a ni ang.

Khuarel chhiatna a lo thlenin District Emergency Operational Centre no. 9862305451/7085928675 hi eng tik lai pawha biak pawh theih reng a ni a, eng emaw vanga line a tlang thei lo a nih pawhin mahni bialtu Zonal Officer/Incident Commander-te hnenah chhiatna thlen thu hriattir theih a ni ang.

Attachment

  • Loading attachment...