DIRECTORATE OF INFORMATION & PUBLIC RELATIONS, Government of Mizoram, India

618/2025-2026

Dated: Aizawl the 28th of May, 2025: India Meteorological Department, Ministry of Earth Sciences in khawchin a thlirlawkna ah chuan Ni 29.5.2025 leh Ni 30.5.2025 hian Mizoram hmun thenkhatah ruah leh thli (40-50 kmph) thawh theihna hmun awmin a tarlang a, Aizawl District chhunga Local/ Village Level Disaster Committee te mahni veng/khua theuhah a tul anga hma lo la turin leh a hnuaia inkaihhruaina tarlante hi lo puangzar turin kan inngenin kan inhriattir e.

Thli leh ruah thawh hmaa tihtur leh tihloh tur te:

1. Mahni in leh lo, office building leh hnathawhna hmun te'n thli leh ruah a dawl theih nan a tul anga thawm that ngai lai te thawm that tur a ni.
2. Thing leh mau, thli in a len tluk mai theih, electric wire-delh mai thei te chu kih/a zar thlak tur a ni.
3. Thlipui leh ruah vanga current neihloh theih a nih avangin mobile phone leh electrical appliances charge-theih ang ang te chu charge full sa vek tur a ni.
4. Tuihawkluankawr te thenfai tur a ni.
5. Lei laih lai neite tan, leimin a thlen loh nan hnathawh zawhah uluk taka khuh hul tur a ni.
6. Tukverh leh kawngkhar nghet taka khar tur a ni.
7. Mahni ram chhung leimin hlauhawm awm te a ram neitute ten an khuh hul tur a ni.
8. In chhung rangva thli lak mai theih te thawm that tur a ni.

Thli leh ruah thawh laia tihtur leh tihloh tur te:

1. Electrical appliances zawng zawng OFF vek tur ani.
2. Lirthei motor reng reng garage ah him taka 'park' tur a ni.
3. Mahni in leh lo chhuahsan tur a ni lo a; inchhungah tawm him tur a ni a, chiai tur a ni lo.
4. Tuihawk luankawr bu! hnaiah kal !oh tur a ni.
5. Thli leh ruah thawh laiin Jui ah leh lui hnaih ah tumah kal loh tur a ni.

Khuarel chhiatna a lo thlen in mahni bial tu Zonal Officer te hnenah chhiatna thlen thu hriattir tur a ni a, engemaw vanga biak tlang theih loh an nih chuan Link Zonal Officer emaw ahnuaia number tarlang ah te hian report tur a ni e.