Mizoram Cancer Care Foundation din champhaphak vawikhatna chu vawiin khan Parliamentary Secretary Pu Lal Thanzara hovin anmahni Office, New Market-ah hman a ni.

Pu Lal Thanzara chuan Mizoram Cancer Care Foundation (MCCF) chu pawl danglam tak, midang te tana malsawmna thlen tu, thil tum fel tak neia din a ni, a ti. Cancer vei te tan malsawmna an nih piahlamah vei velo te tan Cancer chungchang, invenna leh thil tul dang hrilhhre tu pawl tangkai tak an nih thu hrilhin Parliamentary Secretary chuan Cancer vei te tan Mizoram sawrkarin theihtawp a chhuah zel dawn a ni a ti a. “Lungngaihna piaha Malsawmna” tih lehkhabu, MCCF buatsaih chu khuallian hian a tlangzarh nghal bawk.

Inkhawm hi MCCF Vice Chairman Pu H. Lalbiaktluanga chuan a kaihruai a, Radiation Oncologist Dr Zothankima leh MCCF Chairman Pu H.T. Vanlalengmawia te pawhin thu an sawi.