Mizoram sorkar Home Minister Pu R. Lalzirliana chuan vawiin khan Tourist Complex, Berawtlang-ah Mizoram Civil Service Association General Conference vawi 35 na hmanpuiin MCS website a hawng.
Conference palai hmaa thu sawiin Home Minister chuan MCS officer-te chu sorkar hna an luh atanga Group ‘A’ dinhmuna ding nghal, dinhmun sang leh tha luah tute an nih avangin mipui leh hotu lam pawhin an chungah beiseina an nei sang hle a, mi naran aia danglam bik turin an ngai thin a ni a ti. Minister chuan MCS Officer te chu roreltu administrator an ni tiin an hnathawhah hriatna zau tak dan leh hrai lamah an neih a tul a; mahni koa tla reng reng theih tawp chhuaha bawhzui mi an ni tur a ni a ti a. Duhsak bik nei lo, mahni hnaa rintlak leh belhchian dawl, mi biangbiak thiam leh a dawrtute tan pawha nelawm tak nih chu MCS officer te nih phung tur a ni ang Pu Lalzirliana chuan a ti.
Conference hun hmalam hi an Vice President Pu K. Lalthawmmawian a kaihruai a. Chawhnu lamah rorelna hun neiin an pawl Presient Pu P. Lalchhuangan rorel a kaihruai a. MCS Association inrelbawl dan hrang hrang bakah 6th Pay chungchangte pawh an rel a ni.
An member atanga IAS kai Pu Zothankhuma chawimawina hun leh pension-a chhuak ta te : Pu Remmawia Vanchhawng, Pu Johny T.O, Pu Zahminga, Pu Ngurhuzauva, Pu Lalthantluanga, Pu Lalhlira leh Pu Sanghnuna Hauchhum te hnenah thlahna thil pek hlan an ni.
Conference hun hmalam hi an Vice President Pu K. Lalthawmmawian a kaihruai a. Chawhnu lamah rorelna hun neiin an pawl Presient Pu P. Lalchhuangan rorel a kaihruai a. MCS Association inrelbawl dan hrang hrang bakah 6th Pay chungchangte pawh an rel a ni.
An member atanga IAS kai Pu Zothankhuma chawimawina hun leh pension-a chhuak ta te : Pu Remmawia Vanchhawng, Pu Johny T.O, Pu Zahminga, Pu Ngurhuzauva, Pu Lalthantluanga, Pu Lalhlira leh Pu Sanghnuna Hauchhum te hnenah thlahna thil pek hlan an ni.
