Vawiin chawhma dar 11:00AM khan DC’s Conference Room-ah kan hma lawka MADC inthlanna a hman tur MDC Draft Electoral Roll,2017 chu Pu.N.Chakhai, Addl.DC in a tlangzarh.

He Draft Electoral  Roll tlangzarhna meeting hi Pu N.Chakhai, Addl.DC in a kaihruaia, Political party hrang hrang aiawha lo kal te hnenah Draft  E/Roll hi pek chhuah a ni a. He Draft E/Roll hian  ni 1/1/2017 hi qualifying date ahmangin, ni 30/3/2017 hian Final E/Roll chu publish tur a ni. Vawiin atanga ni 7 March inkar chhung hian Claims and Objections te siam theih a ni ang a. Ni 8-18 March inkar chhung hian  Claims leh Objections awmte chin fel a ni ang a,ni 19- 29 March inkar chhung hian Draft E/Roll-a paih leh belh ngai te chin fel a ni ang. Ti chuan Final E/Roll chu ni 30 March hian publish tur a ni.

Vawiina Published tak Draft E/Roll-ah hian Siaha District-ah Voters 37,055 an awm mek a, hmeichhia-19,169 leh mipa voters 17886 an ni. MADC hnuaiah hian MDC Constituency 25 a awm  mekin, Polling Station 80 a awm bawk. Siaha District Khawthlang lam atangin Constituency number intanin, Tokolo Constituency chu Constituency number-1 a ni a, Siaha West-II chu Constituency number-25 a ni. Voters tamna ber Constituency chu Siaha East-II a ni a, Voters 2517 an awm a, voters tlemna ber chu Tokolo Constituency niin, voters 922 an awm thung.

Tun tum MADC inthlanna hi State Election Commission (SEC) hnuaia inthlan tum hnihna tur a ni a, EVM hman leh tur a ni. Final E/Roll buatsaihna-ah Ordinary Residence tihchian nan Ration Card hman a ni ang a, hun tiam chhunga duhzawkna Constituency thlang lo va, Constituency pakhat aia tamna  a vote neih an lo awm palh hlauh chuan vote thlak theina chanvo an hloh bawk ang.