Vawiin chawhma dar 11:00Am khan DC’s Conference Room, Siaha-ah kan hma lawka Mara Autonomous District Council huam chhunga MDC General Election vawi 11-na lo awm tur thlir lawkna leh inbuatsaih nan District Level Standing Committee te chuan meeting an neih.

He Meeting hi Smt Harleen Kaur IAS, District Election Officer leh District Bawrhsap nihbawk chuan a kaihruaia, Inthlanna thianghlim leh dik a awm theih nan Political Party tin te NGO’s te leh Official ruat bikte chu tun atanga theitawp chhuah a, an hmazawn theuh a ke pen turin a chah hlawm a ni.

Vawiin Meeting ah hian thupui hrang hrang te sawi ho nihin, tun MDC inthlan lo awm tura Polling Station thar panga(5) an dil belhna Polling Station heng (i) Meisatla-II; (ii) Siaha vaihpi-IV; New Colony-V; New Siaha ‘W’-III leh College vaih-III te chu Mizoram State Election Commission chuan a lo rem tihsak bawk a ni.

Vawiin MDC inthlan lo awm tura inbuatsaihna Siaha-a neih ah hian Political Party hrang hrang te, NGOs’ hrang hrang te bakah Sawrkar Official thahnem tak an tel a ni.