No.3173/2020-2020
Vawiin July ni 17, 2020 (Zirtawpni) chawhma dar 11:30 khan Education Complex, Conference Hall, McDonald Hill, Zarkawt-ah Aizawl District hnuaia District Level Mid Day Meal Nutritional Garden Competition-a ti tha zual School 10 (Sawm) hnenah lawmman Pawisa fai leh Certificate hlanna neih a ni. He hunah hian Pu Lalramthianghlima, District Education Officer & District Project Coordinator, Samagra Shiksha, Aizawl District chuan khuallian niin a hmanpui a, School ti tha te hnenah lawmman a hlan a ni.
Nutritional Garden Competition hi State Nodal Officer, Mid Day Meal Scheme, Directorate of School Education chuan State Level leh District Level-ah te a buatsaih a ni. Aizawl District chuan a huam chhunga Sorkar enkawl Elementary School atangin Nutritional Garden Competition hi buatsaihin, October ni 16, 2020 atang khan Block Level-a School thlanchhuah sa Block Resource Centre (BRC) 6 hnuaia School 3 theuh te chu District Level Monitoring Team-ten an School-ah kalin an endik a, heng endikna atanga a ti tha School 10 thlanchhuah te chu lawmman hi pek an ni. Heng School thlan chhuahte hnenah hian an School huana phun turin Theihai, litchi leh Nimbu tiak hlan tel an ni bawk.
Nutritional Garden atanga an thlai tharte hi naupang chawchhunah siam tel thin niin Nutritional Support tha tak a ni.
Lawmman Pakhatna hi Saitual Middle School-I in a dawng a, Lawmman pahnihna hi Khanpui Primary School-II in dawngin, pathumna hi Suangpuilawn Middle School-II in a dawng bawk. Heng bakah hian Consolation Prize dawngte chu Chalfilh M/S (E. Phaileng), ITI M/S, Assam Rifles School, Sakawrtuichhun P/S-I, Khawlian M/S-II, Sihhmui UPS leh L.Buana P/S te an ni.
He lawmman semna hunah hian Aizawl District Project Coordinator Office-a Officer-te leh lawmman dawng School zirtirtute an kalkhawm a ni.
