Vawiin hian Mizoram Deficit Mission School Association (MDMSA) General Conference vawi 6 na chu Archive Hallah hman a ni a, Pu Lal Thanzara Parliamentary Secretary to Chief Minister chu Khuallian niin, Pu P. Lalchhuanga I.A.S, Director, School Education chu Khualzahawm a ni.
He Conference Rev. Bro. Varkey MT, Vice President, MDMSA kaihhruai ah hian Pu Lal Thanzara chuan zirtirtu te chu hna zahawm tak thawktu an ni a, Mission school a thawktu te phei chu Pathian rawngbawlna a ngai a taima taka thawk tur leh naupang te nun dik zirtir turin a chah a. Zirna in a tum ber chu mi hmantlak siam a ni tih hria in result tha neih ringawt duh tawk lova zirlai tlem a hnufual te chhawmdawl a mi hman tlaka siam hi an hna in a ken tel ani tih hria a chumi kawngah chuan tan la deuh deuh turin a chah a. Sawrkarin quality education siam a tum na ti hlawhtling theitu te an ni tih inhre rengin he mi kawngah hian sawrkar hmalakna tawiawm turin a sawm a. MDMSA te chu sawrkar laka an thil beisei leh duh te an thlenna kawngah sawrkar ngaichang tak chunga an tih thin a vang a fakin, sawrkar chuan Mission School a thawkte hamthatna atan hma a la mek zel a ni, a ti.
Khualzahawm Pu P.Lalchhuanga pawhinMissionSchoolte chu zirna tih hmasawnna kawnga an thawh hlawk zia sawiin, lawmthu a hrilh a. Zirtirtu kalkhawm te chu nu leh pa chan chang a naupangte zirna tha tak pe tur leh Pathian hnaihna kawng a naupangte hruai tur leh khua leh tui tha tak chher chhuakturina chah bawk. Zirna tih hmasawnna a tan a sawrkar hmalak mek na te a sawi lang tel bawk.
Mizoramah hian tun dinhmunah Deficit School 18 a awm mek a, HSLC leh HSSLC result tha tak tak an nei thin a ni.
He Conference ah hian rorel inkhawm leh Association hruaitu thlanna neih a ni a, an hruaitu thar te chu a hnuai a tarlan te hi an ni.
President : F . Hmingthanzauva, Modern Higher Secondary School.
Vice President : Rev. Bro. Varkey MT, St. Pauls Higher Secondary School.
General Secretay : Lalbiaksiama, St. Pauls Higher Secondary School.
Treasurer : Zairemmawia,MaryMountHigh School.
