Mizoram Departmental Officers Association (MDOA) chuan vawiin chhun dar 12:00 khan Executive Meeting pawimawh tak I&PR Conference Hall-ah an nei.

MDOA Meeting-ah hian Executive Committee Members tharte hmel hriatna hun neih a ni a, chumi zawhah MDOA hma thar lak dan tur sawihona neih a ni.

Chief Minister remchan veleh hmuh theihna turin dilna siam a ni tawh a, hemi-ah hian Executive Member chin zawng chu kal vek nise tiin Department hrang hrang 32 officer rual intel khawmna chuan phur takin an rel.

Department dang leh Service hrang hrangte neihsa chhuhsak emaw, an aia tha zawka neih bik tum lova, kairual taka sorkarin Mizoram Sorkar hnuaia officer-te a enkawl theih nan Chief Minister hi sawipui an tum a ni.