Vawiin khan Administrative Training Institute Conference Hall-ah MLA General Election, 2018 lo awm tur atana inbuatsaihna kal zelah Media lama thawk leh Political Party aiawh te hnenah Media Certification leh Monitoring chungchang zir hona neih a ni. He hun hi District Election Officer Dr. A.Muthamma chuan a kaihruaiin,  Pu S.B Shashank, CEO leh Pi Lalzarmawii, Add. CEO chuan an hmanpui a ni.

Pu S.B Shashank, CEO chuan thusawiin Mizoram Inthlanpui neihna turah inbuatsaihna district tinah a kal mek zel a ni, tiin a sawi a. VVPAT chungchang inhrilhhriatna hun pawh neih zel niin, hei hian mipui te hnenah rin tawkna a tuh ngei bakah, an vote thlak te chu VVPAT hmanga record a nih avangin leh an hmuh theih dawn a vangin, lungawina vote thlaktu in a neih ngei a beisei thu a sawi a ni. Mizo mipuite’n Inthlanna lo awm tawhah buaina liantham an la siam ngai loh avangin, Mizoram CEO anih chu phur taka a zawm thu a sawi bawk a ni. Inthlanna ralmuang tak Mizoram-ah neih a ni thin tih pawh Election Commission of India chuan a hriatpui bawk a ni, a ti a. Model Code of Conduct te pawh Mizoram chuan state dang aiin a hmang tha hle thin a ni, tiin a sawi a ni. 

Pi Lalzarmawii, Addl. CEP pawhin thusawiin Media chungchangah insumtheih leh dan zawm a pawimawh thu a sawi a, danin a khap tam tak te tih luih a nih loh nan leh midangte rilru suk thleng ti danglam thei media chu a nih avangin, danin a phalloh thil te chu uluk taka chhuah leh ti darh lo turin Media lama thawkte a ngen bawk a ni. 

Pu K. Zorammuana chuan Paid News, MCMC  and Media tih thupui a hmangin PowerPoint Presentation a pe a. He hunah hian MCMC Committee member te bakah, LPS, ZONET, DDK, AIR, Big FM, Red FM leh midangte an tel a ni.