No.2865/2021-2022

Aizawl, the 3rd November 2021: Mizoram sorkar chuan October 28, 2021 khan sawrkar hnathawk ten fimkhur zawka Social Media an hman theih na tur leh Media huangah te phalna la hmasa lova an mahni ngaihdan te sawichhuak a thil pawi a thlen loh na turin inkaihruaina leh sawrkar hnathawk zawng zawng ten an zawm tur a hnuaia tarlan ang hian hriattirna a ti chhuak.

October 4, 2021 a Secretaries meeting in thu thlukna lo siam tawh angin, sawrkar hnathawkte hriat thar leh a tan Rule 9 of CCS of CCS(Conduct) Rules, 1964 tih chhuah leh a ni e :

Sawrkar sawisel chungchang, Rule 9 CCS (Conduct) Rules, 1964 : Sawrkar hnathawk tumahin radio leh electronic media(T.V., etc) kaltlangin emaw lehkha reng reng ama hmingin emaw, tu hming nge tih hriat loh/awm lovin emaw, hming lem in vuah in emaw, midang hmingin emaw, a chhuahin emaw, press-ah thawnin emaw, vantlang hmaa puangchhuakin emaw, a ngaihdan emaw, thudik tak sawina pawh nise la, heng a hnuaia tarlante hi chu alo sawi ve tur ani lo:-

(i) Central Sawrkar emaw, State Sawrkar emawin policy a neih kal lai emaw, tun hnaivaia a neih emaw, a thil tih (action) neih a tha lo zawnga nghawng nei thei tura sawichhiatna leh
sawselna lam reng reng.

Amaherawhchu, Sawrkar hnathawk, Rule 1(3) hnuaia proviso hnihna huam tel tawh phawtte chungchangah chuan an hnathawh dinhmun humhalh nan leh hmasawn zel nana Sawrkar hnathawkte'n trade union emaw, association emaw office bearer an nihna anga an ngaihdan/ thlir dan an sawi chungchang chu he khapna dan hian a huam lo ang.

(ii) Central Sawrkar leh eng State Sawrkar pawh ni se la, an inkara inlaichhinna tha awm tibuai/ tichhe thei zawnga sawiselna neih reng reng.

(iii) Central Sawrkar leh ramdang (foreign State)- inkara inlaichinna tha tibuai/tichhe thei zawnga sawiselna neih reng reng.

Amaherawhchu, he dan hian Sawrkar hnathawkin a hnena mawhphurhna pek a thawhna leh sawrkar hnathawk anihna anga a sawi ngai te a sawi reng reng chu a huam lo vang.

Rule 9 CCS (Conduct) Rules,1964 in sawrkar hnathawkte delh kilhna a siam hi sawrkar hnathawk zawng zawng tenan lo hriat theuh atan leh zawm ngei turin chhawp chhuah a ni e.