No.1791/2021-2022

Aizawl, 11th August, 2021 : Vawiin khan Medical Operational Team on COVID-19 (MOT) Chairman Dr. Z.R. Thiamsanga hovin Assembly Conference Hall-ah MOT member te leh Aizawl Municipal Corporation (AMC) huamchhunga Local Level Task Force (LLTF) hruaitute COVID-19 chungchangah an inkawm.

Vawiin in kawmhona hi hun hnih (session hnih) ah then a ni a, chawhma (dar 10:00 – 12:00) lamah AMC Ward no. 1, 2, 3, 4, 5-a LLTF hruaitute nen inkawm niin, chawhnu (dar 1:00 – 3:00) ah AMC Ward 6, 7, 8, 9, 10-a LLTF hruaitute nen an inkawm chhunzawm leh a, Ward tina LLTF ding zinga hruaitu mi 2 zel an tel a ni..

Vawiin inkawmhonaah hian exit test chungchang te, contact tracing chungchangte, home isolation chungchang te bakah LLTF ten an harsatna tawh te leh CPVID-19 do zel na tur kawnga rawtna te sawi ho a ni bawk.

Naktuk August ni 12, 2021 hian a hmun ngaiah session hnih a thenin Ward danga LLTF hruaitute nen inkawmhona hun hman chhunzawm a ni ang.