No.1810/2021-2022

Aizawl, 12th  August, 2021 : Vawiin khan Medical Operational Team on COVID-19 (MOT) Chairman Dr. Z.R. Thiamsanga hovin Assembly Conference Hall-ah MOT member te leh Aizawl Municipal Corporation (AMC) huamchhunga Local Level Task Force (LLTF) hruaitute COVID-19 chungchangah an inkawm.

Vawiin inkawmhona ah hian AMC Ward no. 11, 12, 13, 14, 15, 16, 17, 18 leh 19-a LLTF hruaitute an tel a, Ward tina LLTF ding zinga  hruaitu mi 2 zel an tel a ni.

Vawiin inkawmhonaah hian exit test chungchang te, contact tracing chungchangte, home isolation chungchang te bakah LLTF ten an harsatna tawh te leh COVID-19  do zel na tur kawnga rawtna te sawiho a ni bawk.

Nimin August ni 11, 2021 khan AMC Ward 1 – 10  a LLTF hruaitute nen inkawmhona hun hi buatsaih a lo ni tawh a ni.