538/2023-2024

Aizawl, the 22nd May 2023: Pi Meenakshi Lekhi, Union Minister of State for External Affairs chuan vawiin chawhnu khan Raj Bhavan-ah Governor Dr Hari Babu Kambhampati a hmu a. He hunah hian Ministry of External Affairs hmalakna huanga Mizoram tana thil pawimawh te an sawi dun a ni.

Pi Meenakshi Lekhi, Union Minister of State for External Affairs, Union MoS for Culture ni bawk chuan Mizoram a rawn tlawh chhan leh a hun hman dan tur te Governor chu a sawipui a. He hunah hian MEA khawih hmalakna pawimawh tak tak, Mizoram tana pawimawh tur te sawiin KMMTTP, Zokhawthar leh Vangchhia chungchang te an sawi dun a. Union Minister of State for External chuan Mizoram chu Khawchhak lama India Kawtchhuah a la nih thuai dawn avangin ngaih pawimawh a ni a, hmasawnna ruhrel tam pawimawh tur te pawh la siam belh a ngai dawn nia a hriat thu a sawi bawk.