Vawiin khan Aizawl District Level Vigilance & Monitoring Committee chu an Chairman Pu C.L. Ruala, MP Lok Sabha kaihhruaina hnuaiah I & PR Conference Hall, Aizawl ah neih a ni a. He meeting ah hian Pu C. Thanchhuma, Deputy Commissioner leh Vigilance & Monitoring Committee Member Secretary Aizawl District te, Aizawl District MLA 9  leh department hrang hrang - PWD, PHE, Social Welfare, DRDA leh Programme Officers (NREGS) bakah NGO te an tel a ni.

 

 

District Level Vigilance & Monitoring Committee hian Rural development Scheme hrang hrangte hnathawh endik leh hmalak zelna tura sawihona hun an hmang a ni. RD Scheme hrang hrangte - NREGS, IAY, SGSY, INDP, DRDA Administration, PMGSY, TSC, ARWSP leh NSAP te hnathawh dan he meeting-ah hian endik leh sawi ho a ni.

Chairman Pu C.L. Ruala chuan NREGS hnathawh danah hian kan work culture kan siam that angai a ti a. Meeting hian NREGS hmanga inhlawhfate hi post office/bank kaltlangin no-frills A/C hawng vekin la thei se a ti. Scheme hrang hrangte sawiho leh hmalakna tur hrang hrangte rel anih hnuah Chairman chuan a hma thei anga meeting thurel thlirletna hun neih leh thuai a that tur thu a sawi a ni.