Vawiin chawhnu khan Lunglei Deputy Commissioner leh District Election Officer mawhphurhna la mek tu Pu K.Lalrohlua hovin a office chamber ah Special Drive chungchang ah political party te nen meeting neih a ni. 

Pu.K.Lalrohlua chuan vote nei rual India khua leh tui diktak te Electoral Roll ah an hming a awm theih nan Election Commission Of India chuan theihtawp a bei a, Special Revision pawh neih thin ni mahse hming hmaih palh a awm loh nan kum 18 atanga kum 21 inkar Dt.1.1.2017 a kum 18 tling chin te tan Special Drive hi a rawn ruahman a ni a ti. Hemi hna hi felfai leh dik tak a official ten an tih theih nan political party aiawh te puihna a dil a ni. 

Election Officer, James Lalnithanga chuan he Special Drive hi Preparatory leh work phase a then a nih thu a sawi a, June thla chu inbuatsaih nan hmang in July thla chhung  in hming thun luh hna thawh a ni ang a ti. He drive ah hian mitthi tawh te paih hna a tel dawn a,  Political party ten Booth Level Agent inruat a BLO te puih theuh turin a chah bawk.