Chanchinbu thenkhata MGNREGS (ni 100 inhlawhna) hnuaia district te hnena sum sem dan rawn tarlan chungchangah mipuiten chiang deuh zawk a an hriat a pawimawh avangin Rural Development chuan hetiang hian a sawifiahna a chhuah a ni.

Financial year 2013-14 atang hian Central Ministry (Rural Development) in Ni Za inhlawhna tur State Employment Guarantee Fund (State Level) ah a rawn chhung lut a, chutatang chuan District tin te hnenah an labour Budget (Financial Year khat chhuanga District tin ten thla tin inhlawhna tur ruangam an lo siam lawk) a zirin Distict tin te hnenah inhlawhna tur pek chhuah leh a ni.

Ministry in MGNREGA ( ni za inhlawhna) tana pawisa a rawn release hian, kan Sate Monthly Labour Budget projection siam min lo phal sak tawh angin min pe a (hei hi District tin te Monthly Labour Budget Projection siam belh khawm ani). Entirnan, Ist installment ah chuan kan Labour Budget sim lawk (District tin te monthly L.B belhkhawm) atanga 15th June thla thleng inhlawhna tur pawisa min rawn pe a. Chu chu State sawrkar in District tin te an Monthly Labour Budget projection lo siam lawk 15th June thleng mil in a release ve leh mai a. District tin te inhlawhna an pek theih zat a in ang loh na chhan hi anmahni in an monthly Labour projection siam a in ang loh vang a ni. District then khat in kum tir atanga kum lai hawl thleng projection (inhlawhna tur, ni zat) an siam tarn lai in District thenkhat chuan Financial Year tawp lamah an Labour projection hi an hnawh khawm vak mai a ni. Hei hi District thenkhat in inhlawhna an la hmuh tlem chhan chu a ni. Tun thleng hian Ministry lamin kan projection November thla thleng chauh inhlawhna tur min la pe bawk si a.

Hriat awlsam zawk nan, Serchhip District chuan 15th June, thleng hian Labour projection lo siam lawk ah hian ni 13 in hlawh na a siamsak hman turin a duang lawk a, Kolasib District erawh chuan a labour projection mil in, ni 5 inhlawhna chauh siamsak turin a duan lawk a ni. Chuvang chuan Labour Budget Projection hi District tin ten anmahni pual liau liau a an insiam a ni a, District ten kum khat chhunga an sum hmuh dan tur hril tu pawimawh tak a ni. Central Ministry pawn District tin te Monthly Labour Projection siam sa en in an pawisa ( in hlawhn siam na tur)/ chanbi tur hi a release a. SEGF account ah chumi zulzui chuan State Level atangin District level ah release leh mai thin a ni.