Vawiin chawhma khan Chief Secretary's Conference hall-ah Pu MK Singla, Adviser(North East), Bru, Ministry of Home Affairs (MHA) chuan Bru Repatriation chungchangah Home Commissioner Pu Lalrinliana Fanai leh a thawhpui, Home Department official te a kawm.

Mizoram Home Department hotute a kawmna ah Pu MK Singla chuan Bru raltlan hruaikir leh nana Mizoram sawrkar ruahmanna chu a that tawk thu a sawi a. Bru raltlan te Mizoram a an rawn haw leh theihna tura Mizoram sawrkar hmalakna pawh in fak a phu a ni a ti. Home Department hotute chuan an hmalakna leh thlenchin te tarlangin hnathawh chawlh lailawk a nih chhan te MHA Adviser hi an hrilhfiah a.  Pu MK Singla chuan Mizoram sawrkar lehkha thehluh te lo zirchian a tum thu leh a tul anga lo bawhzui a tum thu a sawi a. Meeting-ah hian Bru raltlante hruaikir hna pawh kumin thlasik chhunga thawhtan leh a beiseiawm thu tarlan a ni.