Directorate of School Education, Mizoram-Mid-Day-Meal wing buatsaihin Vawiin khan Govt.Middle School, Kanhmun, Mamit District chhunga Primary School leh Middle School tina zirtirtu MDM i/c te tan chaw-chhun (MDM) hrisel zawk leh thianghlim zawk buatsaihna kawnga inzirtirna ‘Mamit District Level Arwareness Campaign on Food Safety & Food Poisoning in Mid-Day Meal scheme’ neih a ni a, Pu B. Lalchhuanliana,Additional Director of School Education & State Nodal Officer,Mid-Day Meal Scheme ni bawk chuan khuallian niin a hmanpui.

He Awareness Campaign hi Pu Micky Lalenkawla, Dictrict Project Co-Ordinator(DPC), SSA Mission, Mamit District chuan kaihruaiin India rama eitur pawlh bawlhhlawh (Food Adulteration) chuangchang a sawi a, Awareness campaign thupui - Food Safety & Food Poisoning chungchang thu khuh hawnna leh he  programme in a puakchhuah a tum te a sawi bawk.

Pu B. Lalchhuanliana chuan India State thenkhat Zirna In a Mid-Day Meal an pek a thianghlim tawk loh avanga Zirlai naupang tam takin an tawrhna te hi a pawi hle a ni tiin, Mizoram-a kan Zirna Ina Mid-day-Meal kan pek thin,  kan buatsaih danah fimkhur tak leh thianghlim taka kan buatsaih loh chuan eitur hrisel lo leh Food Poisoning avang hian kan naupangten an tuar ve thei a ni tih hria a, uluk tak leh thianghlim thei ang bera eitur kan buatsaih a tul a ni a ti a. chaw chhun chhumtu te hrilh ngun leh vilpui fo turin School tina Zirtirtu MDM i/c kalhkhawm te chu a chah a ni.

Pi Lalremruati, M.Sc (Food & Nutrition) chuan zirna Ina chaw-chhun buatsaih dan kawnga hrisel zawk leh thianghlim zawka kalpui dantur te,Food Safety leh Food Poisoning chungchanga hmalak dan tur chipchiar taka hrilhfiahin Zirtirna hun a hmang.