Mizoram Youth Commission-in ram a mamawh dan Sawrkarin hriain, chak takin hmalak chhoh mek zel a ni a,  nimin ni 20.11.2019  khan Dr. Vanlaltanpuia, Chairman, MYC leh Pu Lalnunmawia Chuaungo, Chief Secretary ho in MINECO chhungah MYC hmunhma tur enfel a ni.

MYC Chairman chuan “Mizoram Youth Commission in tun thlengin ram ala nei lo a, hei hi ngaih pawimawh hmasak a tul zia hria in, Hon’ble Chief Minister ah thlen a ni a,   kan CM zahawm takin min ngaih pawimawh sak hi a lawmawm hle a, Mizoram thalai te hmakhua ngaitu Chief Minister kan nei hi a vanneihthlak a ni” a ti a, “MYC Office hi thalaite inpui a ni a, Zoram thalai lehkha thiam leh thiam lo te, zirlai leh hna zawng mek ten Office thar an neih thuai theih nan chak taka bawhzui mek a ni” a ti a. He hunah hian Pu Ashish Kundra, Secretary, GAD, Pu George Lalzuia, Chief Architect, PWD leh Official pawimawhte an tel bawk a ni.  MYC hian kalphung thar a nei dawn a, chumi atan chuan MYC Policy 2019 pawh peih thawkhat  ni  tawhin, Road Map & Action Plan 2019 – 2020 pawh peih fel a ni tawh a ni.

He Road map tharah hian Zoram thalaite zawng zawng huapzo hmalakna thar kalpui a ni dawn a. Thalai hna zawng mekten awlsam, zangkhai leh zau zawk a hna an zawn theihna tur in MYC chuan Naukri.com thawhpuiin, “MYC Job Portal” pawh buaipui mek zel a ni. Indian Army Recruitment Rally 2019 neih mekah MYC chuan kum dang zawng aia result tha a neih beisei a ni a, MYC hnuaia zirtirna pek mek tam zawkin physical test an paltlang tawh thu dawn bawk niin, heng physical test paltlangte hi MYC chuan training a pe chhunzawm dawn a, February 2020 a Written Examination atan heng naupangte hi a buatsaih leh bawk dawn a ni.