Higher & Technical Education Minister Pu R Romawia chuan a bial Aizawl North I a fan chhunzawm zel a, vawiin chawhnu khan Leitan a tlawh.

Pu R.Romawia chuan Mizoram rorel khawl sang bera thu turin a bial mipui te’n an thlan nawn leh avanga lawmthu sawiin theihtawp chhuaha a bial leh ram hmasawnna tura hna a thawh chhunzawm zel tur thu a sawi a. Leitan khawtlang hmasawnna tur mamawh hrang hrang an thlente ngaihthlaksakin enzui a tum thu a hrilh a ni. Mizorama inthlan lo awm tawhah Pu R.Romawia hi Legislative Assembly Speaker, mahni bial ngai a thlan tlin leh hmasak ber a ni.

Leitan Local Council Vice Chairman Pu K.Malsawmkima kaihhruai he inkawmhona programme-ah hian tlawmngaipawl hrang hrang YMA, MHIP, MUP, Zotui Welfare, Hermon Welfare leh Leitan Ramthar Welfare aiawh te bakah Local Council leh political party aiawhte an tel a ni.