No.6898/2020-2021

Vawiin ni 15th December, 2020 khan Social Welfare Minister Dr. K.Beichhua chuan  Poshan Abhiyaan hnuaia Aganwadi Worker, Aganwadi Helper, ASHA, ANM/Health Worker (AAAA) & Lady Supervisor/CO (LS) Award semna hun a Office Chamber-ah a nei a, COVID-19 SOP tha taka zawm niin hlawtling taka hman a ni.

Awardees zawng zawng erawh inkohkhawm a remchan loh avangin he hun hlu tak hi ‘Video conferencing hmangin, web kal tlanga hman a ni a. DPO, CDPO, CO leh Awardees zawng zawng a hmuna tel thei lo ten Zoom video conferencing app hmangin an lo chhim a ni. Aizawl Urban leh Tlangnuam ICDS Project hnuaia Awardees te chuan a hmunah an dawng nghal a ni.

Minister chuan Poshan Abhiyaan hi a tir atangin Women & Child Development a thawk te zawng zawng thawktute thawh rah hi mipuiah a lang chhuak mek a, naupang malnourished te Mizoram ah a lo tlem tial tial a, naupiang Sangkhat zela thi (IMR) pawh 5 (single digit) chauh a ni thei ta leh India ram pumah thi tlem ber pahnihna kan ni thei ta te hi Department hnuaia thawktute thawhrimna leh tanrualna rah chho zel a ni tih a lang chiang a. Poshan Abhiyaan hi Department pakhat hmalakna avanga hlawhtling thei a ni lo va, line department hrang hrang te abik takin Health Department te nena kan thawhhona te hi a ropui hle a ni, tiin a sawi. Ministry of Women and Child Department hian Grassroot a thawk te hi a ngai pawimawhin mimal award siam lova team award Ministry lamin ruahmanna an rawn siam pawh hi a inhmeh hle a ni, tiin a sawi a. Vawiina AAAA&LS Team Award dawngtute zawng zawng hnenah lawmpuina leh nasa lehzuala thawkho turin duhsakna a hlan bawk a ni.

Best Team Award dawngte- Aibawk, Darlawn, Phullen, Thingsulthliah, Champhai, Khawbung, Khawlzawl, Ngopa, Bilkhawthlir, Thingdawl, Reiek, W.Phaileng, Zawlnuam, E.Lungdar, Serchhip, Bunghmun, Hnahthial, Lunglei, Lungsen, S.Bungtlang, Chawngte, Lawngtlai, Sangau, Siaha, Tuipang, Tlangnuam, Aizawl Urban an ni. 

ICDS Project tin atangin ‘Best Team’ pakhat zel thlan chhuah an ni a, heng Team te hian cheng Rs. 50,000/- zel an dawng theuh a ni. Ministry of Women & Child Development chuan kum 2018-2019 chhunga ICDS Project tin a Anganwadi Worker, Anganwadi Helper, Accredited Social Health Activist, Auxiliary Nurse Midwife leh Lady Supervisor/Circle Officers (viz. AAAA & LS) ten an hna thawh thin hrang hrang - CBE, VHSND, Immunization, Counselling on Complementary Feeding, Management of Malnourished Children leh Anaemia chu tehfung a hmangin, a huho a thawk tha zual te lawmman pe turin hma a la a ni.

He Programme hi Pu HL Rochungnunga, Secretary, Social Welfare Department in a kaihruai a, Pi Vanlalpianpuii, Director, Women & Child Development leh midangte an tel a ni.