3166/2023-2024

Aizawl, 22.12.2023: Minister Dr. Vanlalthlana chuan December ni 21, 2023 zan khan Hawla Indoor Stadium ah ADBBA Tournament kharna hunah khuallian niin hun a hmanpui.

Minister chuan Mizoramin basketball in hma a sawn zel nan hmalakpui zel a inhuam thu a sawi a. ADBBA din tura hmalatu zingah a tel ve tawh thu sawiin, basketball a tui te tan inkhelhna huang zauh belh na a nih thu a sawi a. Sawrkar chuan infiamna lama hmasawn zel nan thil hrang hrang a ruahman thu leh sports discipline hrang hranga infiammi te tana hamthatna siam sak chu sawrkarin a ngaihpawimawh thu a sawi a. Infiammi te pawh intihsiakna rilru dik tak pu chunga an infiamna beisei thu a sawi.

ADBBA tournament hi 27th November, 2023 atanga tanin ni 21st December, 2023 thleng khelh a ni a, 1st Division, 2nd Division leh 3rd Division ten an khel a, an zavai hian club 73 an ni.