No.171/2021-2022 

Aizawl the 17th April,2021 :National Highway & Infrastructure Development Corporation Limited (NHIDCL)chuan vawiin khan Health & Family Welfare Minister Dr R. Lalthangliana hnenah Tata Motor Ambulance Pali MINECO kawtah an hlan a.

Health Minister chuan NHIDCL in a hun taka Ambulance Mizoram sorkar hnenah Social Responsibility ngai pawimawh a an an hlan chu lawmawm a ti a, hemi hlawhtling nana hmala tu Mizoram Chief Minister Pu Zoramthanga hnenah pawh Health & Family Welfare Department aiawhin lawmthu a sawi bawk a ni. Minister chuan Covid-19 do letna kawngah mitinin tan lak thar a ngai a ni a ti a. Sawrkar bakah kohhran leh pawl hrang hrang hmalakna avangin hun engemaw chen Covid-19 positive kan neih tlem hnuah tun hnai, abikin April thlaah kan invawrh leh ta deuh hi tan lak that leh a ngaih zia ti lang tu a ni a, sawrkar SOP enin tih tur leh tih loh tur te hria a, uluk taka zawm zel turin mipuite a chah nawn leh a. Covid-19 in a hrinchhuah pawimawh em em chu thuawihna leh mahni invawnna nun neih a ni a, a tharin hre nawn leh ila tiin a chah bawk a. Minister chuan rilru mangang lo se, min puitu Pathian kan nei tih hria ila, nunna chhanna atana inpek hi Pathian rawngbawlna ropui ber a ni a, kan theihna zawng zawng sawr chhuaka kan insenso tluk hi a awmlo a ni a ti bawk a.

Minister chuan Covid-19 karah vanneihna Mizoram in a neih thu sawiin, hun harsa tak karah World Bank kal tlangin Mizoram Health Strengthening System atan cheng vaibelchhe 280 sawrkar in a hmuh thu a sawi a. He hlawhtlinna kan hmuh hi thil lawmawm tak a nih thu sawiin, tuna kan buaipui ber Covid-19 darh zel tur donna kawngah impumpekna a thara kan neih leh a pawimawh a ni tiin a sawi a, vaccine lak chungchangah insawithaihna awmlo se, hlauhthawn awm zawngin midangte pawh hrilh lo a, India Prime Minister Pu Narendra Modi duhdan anga a tam thei ang berin vaccine lak hi kan tih tur a ni tih hre thar leh turin mipuite a chah bawk a. Sawrkar laipui atangin vaccine supply pawh a tha tih thu a sawi bawk a ni.

Dr.Thiamsanga, MLA pawhin NHIDCL chungah lawmthu sawiin, hun pawimawh takah Ambulance Pali Mizoram sawrkar hnenah an pek hi ni chhinchhiah tlak a ni a ti a. Zalena kan awm viau laiin hun khirh tak kan tawng leh mek a, sorkar in a siam SOP zawm a, Kohhran, pawl leh mimal anga hmathar la a, ram leh hnam damna atan kan tan chhoh leh a ngai tak zet a ni tih a sawi.

He hunah hian Additional Chief Secretary Pu JC Ramthanga leh officials pawimawh dangte an tel a ni.