No.1726/2020-2021

Vawiin tlai khan Health & Family Welfare Minister Dr. R.Lalthangliana'n Saitual DC Bawrhsap Pisa Conference Hall-ah Saitual District Level Task Force meeting a neihpui a. Saitual Bawrhsap Pu V.L Hruaizela Khiangte in lo dawngsawngin, meeting hi a kaihruai nghal a ni.

Health Minister Dr.R.Lalthangliana chuan Saitual District te mamawh hriatpui tha a tih avang leh COVID-19 dona kawngah District Level Task Force hnathawh leh hmalakna hrang hrang te chu Health Minister a nihna anga hriatpui a tul a ni, a ti a. District Hospital, Saitual a hman a tan Rs 20000/- bakah Saitual District a PHC pasarih a hman tur PPE, Sanitizer, Mask leh Bleaching Powder te a hlan nghal a ni.

Meeting-ah hian COVID-19 dona kawnga sawrkar hmalakna kawnga an zawhna te chu a chhanna Minister hian a nei nghal a ni.

Saitual District-ah hian Quarantine Centre 48 buatsaih a ni a, tun dinhmunah Quarantine Centre 21-ah mi 239 an awm mek a ni. Isolation-ah mi pakhat dah niin, ni 4 chhung sample test a ni a, sample result negative a nih hnuah chhuah leh a ni a.

Tun dinhmunah Saitual District mi leh sa Delhi atanga lo haw COVID-19 positive a awm a, nimin khan Zoram Medical College-ah phurh thlak a ni. Nimin khan Mumbai leh Pune atangin mi 37 lo thlengin, RAT test non-reactive vek niin, RT- PCR result nghah mek a ni. Heng mite hi Saitual Govt. Higher Secondary leh Govt. Saitual College Quarantine Centre-ah te dah mek an ni. Kolkata atanga Silchar thleng Flight a lo haw, Silchar atanga motor a lo haw mi pakhat an nei mek bawk a ni.

Saitual District chhungah hian Village Level Task Force 42 an awm a. Police duty thei mi 53 awmin, dan bawh chhia an chawitir tlingkhawm hi Rs 83,000/- a ni tawh a ni. Vawmkawt, Khawkawn, Mimbung, Hrianghmun, Teikhang leh Kawlbem-ah te Police an duty mek a. N.Khawlek-ah erawh Police duty in dah lo in Village Level Task Force te an duty thung a ni. Vanbawng-ah 2nd IR Battalion a tul anga koh theihin an awm mek bawk a ni.

Hemi hnu hian Pune atanga rawn haw train-a ni 1.06.2020 a chesual boral ta Nl. Marlia Vanlalhmangaihzuali, Kum 26, Keifang chu ralna hun a hmang bawk a ni.

Attachment

  • Loading attachment...