3202/2022-2023
Dated Serchhip, the 10th December, 2023: Vawiin khan Ngentiang Branch YMA chuan an Branch kumpuan 'Khawtlang nun chawisan' hawnna Ngentiang Community Hall-ah an buatsaih a, Er. Lalrinawma, Minister, AH & Vety, SW & TA, etc., chuan khuallian niin a hawng.

Er.Lalrinawma chuan, Ngentiang Branch YMA in an mahni puala kumpuan tha tak an nei chu lawmawm a tih thu sawiin, YMA chu pawl lian leh thianghlim, hnam dangte pawn an hriat lar a ni a, khawtlang inrelbawlnaa dinhmun pawimawh tak luahtu a ni. Khawngtlang nun chawisanna kawnga thil pawimawh ber pakhat chu mitinte nungchang thatna a ni tih theih ang. Khua leh tui tha ni tura inpekna, vantlang thilte mahni ta ang taka enkawl thiamnate, nungcha leh ramngaw humhalh that te, Zonunzemawi tinreng rinawmna, tlawmngaihna, leh aia upa zahnate chawinung thiam zelna te a pawimawh hle dawn a. Kan hnam ziarang leh tawngte chu khawiahmah zahpui lova, a chawi lartu nih zel zawk te a tha hle a ni. Zirna leh hriselna hi hmasawnna bulthut a ni tih kan hriatreng a pawimawh a, taksa hrisel tak kan neih theih nan, nunkawng thianghlim kan zawh thiam a tul hle a; ram, chhungkua leh khawtlang tana thawkchhuaktu kan nih theih nan zirna leh hriatna lama kan intahhriam sauh sauh pawh a pawimawh em em a ni, a ti bawk. Ngentiang mipuite chu an kumpuan tihlawhtling tura mahni hmazawn theuhva bei sauh sauh tura ngenin duhsakna a hlan a ni.

He hunah hian thupui pahnih; "Khawtlang nun chawisan leh zirna" tih leh "Khawtlang nun chawisan leh eizawnna" tih thupui hmangin thusawi ngaihthlak a ni.

He hun hi Pu Lalbiakmawia, President in kaihruaiin, Nl. Lalrintluangi'n hunserh a hmang a, Pu Lalrinpuia, Secretary in lawmthu sawina nei a ni.