No.5914/2020-2021

Aizawl,9th October, 2020 : Vawiin khan Agriculture Minister Pu C. Lalrinsanga hovin Agriculture, Horticulture, Irrigation and Water Resources Cooperation Department officer-te leh NABARD hotuten Agriculture Minister office ah tunhnaia Agriculture Reforms leh scheme hrang hrang te sawi hovin meeting pawimawh tak an nei.

Meeting ah hian Agriculture reforms hrang hrang siam tura India ram a inbuatsaih mekna leh heng reforms ten a kaihhnawih scheme leh programme te chu sawiho niin heng reforms a tana Mizoram sawrkar inpuahchah dan leh hmalak dan tur te sawiho a ni.

Kum 2008-a MNF sawrkarin a lo pass tawh Mizoram loneitute tan awmze neia market mumal leh darh zau zawk ruahmanna dan ‘The Mizoram State Agriculture Produce Marketing (Development and Regulation) Act, 2008’ (APMC Act) chu sawrkarna inthlak avanga hmanzui loh va a awm tak avangin tunah hian Mizoram Sawrkar chuan Central Sawrkar kalphung milin tuaithar leh tumin hma a la mek a. The Mizoram State Agriculture Produce and Livestock Marketing Bill (APLM Bill) chu buatsaih mek niin he dan hmang hian awmze nei zawk leh kalphung mumal tak neia Agriculture lama kan thar chhuahte chu Market link mumal tak nena kalpui tum a nih thu Minister chuan a sawi. He dan hi peih fel a nih hunah chuan tunhnaia Central sawrkarin dan a siam thar te milin loneitute leh sumdawngten farming contract mumal tak neia loneitute tana market zau zawk siamsak kawngah nasa takin hak kan zauh thei dawn a ni tiin Minister Pu Sangtea chuan a sawi.

Meeting-ah hian India ramin Agriculture reforms nei tura hma a lakna hrang hrang zinga pawimawh tak tak ,Farmer Producers Organisation (FPO) 10000 (Singkhat) din belh chungchangte, Agriculture Infrastructure Fund (AIF) hnuaia FPO te tana sum ruahmanna te leh thil pawimawh tak tak te sawiho a ni a. India rama FPO singkhat din belh turah hian Mizoramah pawh FPO eng emaw zat din belh a ngaih dawn thu teh heng FPO tin te hian infrastructure siam nan Agriculture Infrastructure Fund (AIF) hnuaia sum cheng vaibelchhe 2 thlenga an puk theih dan tur leh a scheme kalpui dan tura ruahmanna siam ngai te meeting-ah hian sawiho a ni bawk.