Vawiin khan Horticulture Minister Pu P.C.Lalthanliana hovin Horticulture officer rualte leh NLUP Monitoring Committee te chu Horticulture Directorate Committee roomah an thu khawm a. Kum 2015-16 chhunga department hmachhawp te thlir hovin a bik takin NLUP hnuaia department hmalakna tur ruahmanna te an sawiho a ni.

He meeting ah hian Horticulture minister chuan NLUP hnuaia Horticulture trade thlangtu te chu a hun takah thlai chi tha leh hrisel phun tur pek chhuah hman vek tum a ni tih a sawi a. Beneficiary titha te chu ngaihtuah leh chhawmdawl zel tur an nih rualin beneficiary rinawm lo te chu an phu tawk hremna pe turin infuih reng a ni tih a sawi.

Vawiina Horticulture hmalakna tur sawiho na ah hian kum 2015-16 chhunga NLUP kalpui mekah Horticulture hnuaia Division tinah Cluster area anga hmalakna chu a lian thei anga bera kalpui turin rel a ni a. Serthlum beneficiary ten a hun takah thlai tiak tha leh hrisel an phun theih nan NLUP Inspection Team te chuan tun April thla chhung hian Mizoram puma thlai chi buatsaihna Nursery te an endik leh vek dawn a ni.

He meeting ah hian Pu K.Larinthanga Parliamentary Secretary, Horticulture leh Pu B.Lalhmingthanga Secretary, Horticulture te bakah Mizoram puma Horticulture department officer zawng zawng te an tel a ni.