No.4002/2021-2022

Aizawl, the 15th February 2022 : Vawiin khan I & PR Minister Pu Lalruatkima hovin Sawrkara MJA in Journalist Pension Scheme ruahmanna an thehluh, Study Team zirchhianna chu I & PR Department hotulu te nen Minister pisa ah an sawiho.

Meeting ah hian MJA in Pension Scheme ruahmanna  Sawrkara an thehluh leh hemi chungchanga Study Team zirchhiana chu zau taka sawiho niin Study Team thil hmuh dan leh an rawtna leh MJA in pension chungchanga thil hrang hrang an rawt te chu buk a ni a. Meeting chuan sawikhawmna anga ruahmanna leh zirchhiana bung thenkhat her rem ngai te, thu thlak ngaite leh tul dangte chu rang takin Department in buaipuiin Law & Judicial Department leh Finance Department ah te an ngaihdan la tura thawn vat nise tiin a rel a ni.

MJA chuan nikum khan Sawrkarah a thara Journalist Pension Scheme an duan chu an thehlut a, Sawrkar chuan an ruahmanna thehluh zirchiang turin Law & Judicial, Finance leh I & PR Department aiawh pakhat theuh telna Study Team chu a notified a. Study Team chuan an zirchhiana hi tun thla tir khan Department ah an thehlut a ni.