Vawiin khan Govt. Hrangbana College chuan zirlai thar te lawmna leh zirchhuak ta te thlahna hun Golden Hall-ah an hmang. He hunah hian Sports & Youth Services Minister Pu Zodintluanga, he College a zirlai lo ni tawh thin chu khuallian a ni.
Minister chuan ram hmasawnna atan zirlai te hi an pawimawh a ni tiin, hlawhtling tur chuan taihmak leh thahnemngaih a tul thu a sawi a. College kal lai a dinhmun inangtlang theuh te hi nakinah chuan dinhmun inthlau tak tak ah an la ding dawn a ni a ti. Zirlai a hlawhtlinna tur ngaihtuah aia Politics leh hnam thil a inhambuai vak ching zirlai hruaitu an awm thin chu pawi a tih thu leh zirlai te hmasawnna daltu an nih theih thu a sawi a. Fimkhur taka heng kawngah te hian hma la turin kalkhawmte chu a sawm a, Mizo hnam leh ram tana theihtawp chhuah theuh turin a fuih a ni.
He programme ah hian Pu R. Zatlaia, kum 26 chhung zet he College a Principal lo ni tawh chu Khualzahawm a ni a. Principal ni lai mek Pu K. Liantuala chuan inkhawm a kaihruai a ni. MZU 2010 Degree Examination a First Class a pass mi 10 hnenah Hrangbana Award hlan niin R. Zatlaia Award chu a pumpui a Mark hmusang ber zirlai hnenah an hlan bawk a ni.
He programme ah hian Pu R. Zatlaia, kum 26 chhung zet he College a Principal lo ni tawh chu Khualzahawm a ni a. Principal ni lai mek Pu K. Liantuala chuan inkhawm a kaihruai a ni. MZU 2010 Degree Examination a First Class a pass mi 10 hnenah Hrangbana Award hlan niin R. Zatlaia Award chu a pumpui a Mark hmusang ber zirlai hnenah an hlan bawk a ni.
