January Ni 7 khan Lawngtlai District A.H & Vety Department buatsaihin Vathuampui ah Animal Health Camp neih a ni a, AH & Vety Minister Pu C. Ngunlianchunga chuan a hmanpui.

Thusawina neiin Minister chuan ran vulhtute chu an ranvulhte khuahkhirh tha turin a ngen a, ran duat thiam turte, an hriselna ngaihpawimawh sak turte in a fuih a ni. Vathuampui khuaah Rural Animal Health Centre dah tuma hmalak anih tur thu a sawi bawk.

Animal Health Camp hi Lawngtlai District Vety Officer Dr. Lalnunhlima Ralte in a kaihhruaia, ani bakah Dr. Charlie C. Chawngthu leh Field Doctor ten Camp ah hian ranvulhte hi en in, he mi ni hian ran sangkhat zet an en hmana, chhungkaw za chuang hnenah ran damdawi leh ran chaw tha a thlawnin an sem bawk.