Vawiin chawhma dar 10 khan MUP Kawlkulh area leh Hliappui area MUP Joint conference chu Kawlkulh North Community Hall-ah ruai nen ropui taka hman ani a. He conference hi ni 6.4.2010 atanga tanin vawiin hian an tiak ang. Khawmpui hmang tur hian palai 300 chuang zet an kalkhawm a ni. He hun hi Food Civil Supply & Consumer Affairs Minister leh Bialtu MLA ni bawk Pu H. Rohluna chu Chief Guest niin a hmanpui a, Minister chuan Upate hlutna tunlai khawvelah ngaih pawimawh a tulzia uar takin a sawi. Nu leh pate leh upate hi kan ram rohlu an niin kan zah tur ani a. Duhsakna kan pek thiam a pawimawh em em ani ati. Minister chuan upate pawh tunlai thalaite nun leh sawrkar ngei pawh a dik lohna laiah chuan hrilh hreh lo turin a ngen.
He Joint Conference-ah hian resolution pahnih passed a ni a. Chungte chu : - (1) Kawlkulh damdawiin hi khum 30 awm theihna turin sawrkarin min tihlen sak rawh se. (2) Hliappui khuaah hian HSLC Examination centre sawrkarin min dahsak ve rawh se.
Minister hi Pu Lalnunzira, DFO (Wildlife) Khawzawl in a tawiawm a, he joint conference tanpui nan hian Rs. 5,000/- Minister in a pe.
Minister hi Pu Lalnunzira, DFO (Wildlife) Khawzawl in a tawiawm a, he joint conference tanpui nan hian Rs. 5,000/- Minister in a pe.
