Vawiin khan Pu J. H. Rothuama, Minister, Cooperation Department chuan MUCO Bank Ltd. Annual General Meeting vawi 18-na Co-operative Conference Hall, Babutlang-ah a hmanpui. He meeting hi Pu R. Zamawia, Chairman, MUCO Bank Ltd chuan a kaihruai a, MIZOFED, MSCU leh MAFF Chairman-te an tel bawk a ni.
Khuallian Pu J. H. Rothuama chuan MUCO Bank chu hun khirh tak paltlanga vawiin ni thlenga mipui rawngbawla ding thei leh Bank in hma a sawn chu lawmawm a tih thu a sawi a. Minister chuan shareholders ten bank hlawkna (dividend) an insem theih loh pawhin, mirethei leh mi chanhaite tana malsawma a ni tih hre rengin vui loin bank hmasawn nan hmala zel turin a sawm. Pu J. H. Rothuama chuan cooperative union leh society ten a huhova office building an neih theih dan chu DONER ah buaipui mek a nih thu a sawi a.
MUCO Bank Ltd. hi Reserve Bank of India (RBI) phalna fel thlap neia February ni 24, 1988 ah din niin; Insured Bank a ni bawk a ni. June ni 6, 2008 khan RBI chuan an hnathawh dante hmuin Category IV atangin Category -II ah a hlang kai bawk a ni. MUCO Bank Ltd. ah hian shareholders mi 3391 an awm a, Nominal member mi 1288 an nei bawk a ni.
Sawrkar kum 2009-2010 chhung khan cheng nuai 179.20 loan chi hrang hrang sumdawnna te, insakna te, Kohhran Biak In sakna, vawk leh ar vulhna bak ah sawrkar hnathawk hnenah leh mi harsa zawk kawngpui kam/sir leh Bazar a chawhmeh zuar ho te hnenah an pe a ni.
MUCO Bank Ltd. hi Reserve Bank of India (RBI) phalna fel thlap neia February ni 24, 1988 ah din niin; Insured Bank a ni bawk a ni. June ni 6, 2008 khan RBI chuan an hnathawh dante hmuin Category IV atangin Category -II ah a hlang kai bawk a ni. MUCO Bank Ltd. ah hian shareholders mi 3391 an awm a, Nominal member mi 1288 an nei bawk a ni.
Sawrkar kum 2009-2010 chhung khan cheng nuai 179.20 loan chi hrang hrang sumdawnna te, insakna te, Kohhran Biak In sakna, vawk leh ar vulhna bak ah sawrkar hnathawk hnenah leh mi harsa zawk kawngpui kam/sir leh Bazar a chawhmeh zuar ho te hnenah an pe a ni.
