Vawiin khan Labour & Employment Department Officers te chu an Minister Pu Lalrinliana Sailo hoin Minister Chamber-ah Department hmalak zel dan tur ngaihtuahin an thukhawm. He meeting-ah hian thil pawimawh engemaw zat an rel a. District hrang hranga ITI thar din chungchang te, District Employment Exchange awm lohna hmuna din belh te, post ruak sa hnawhkhah te, skill development initiative scheme chungchan te, Youth Commission hi Labour & Employment kuta awm anih zawk tur chungchangte Placement Cell te, minimun wages review te, thalai te chawikan te, Department hming thlakte leh thil dang tam tak an rel a ni.
Vawiin vek khan Pu Lalrinliana Sailo, Health Minister chuan a Office chamber-ah Aizawl khawpui chhunga Private Hospital neitute a kawm a, Private Hospital neitute an tel tha hle.
He meeting-ah hian thu pawimawh tak tak, Mizoram Health Care Scheme kalpui meka harsatna lian tak, cashless facility lo tawp ta chinfel dan tur leh kalpui zel dan tur te, Private Hospital ten he scheme an kalpui chungchanga an harsatna tawh chungchangte leh a sutkian dan tur te an sawiho a ni.
