Vawiin chawhnu khan UD&PA Minister Pu Zodintluanga kaihhruaiin a pisaah UD&PA Department, Disaster Management & Rehabilitation Department leh Mizorama Insurance Company ten Home Insurance chungchangah inkawmhona an nei a. He hunah hian Disaster Management & Rehabilitation Minister Pu C. Ngunlianchunga pawh a tel a ni. 

Mipuiten an neih zawng zawng leh loan te puk belha chenna in an sakte lirnghing, leimin, kangmei leh chhiatna chi hrang hrang vanga an chan thin chu sawrkarin pawi a tih avangin vawiin meeting-ah hian Home Insurance mipuiten an neih vek theih dan tur  ngaihtuah a ni a. Meeting-ah hian mipuiten awlsam zawka an chenna in leh bungrua te khuarel chhiatna chi hrang hrang laka an insure theih dan tur ngaihtuah niin home insurance neih theih dan te leh insurance company hrang hrang rate leh kalphung mipuite inhrilhhriata awareness campaign kalpui dan tur rel a ni. 

Meeting ah hian Pu Zothankhuma IAS, Commisioner & Secretary DM&R; Dr. C. Vanlalramsanga Secretary UD&PA; Pu N. Chakhai Director, DM&R; Pu K. Lalhmingliana Jt. Secretary, DM&R;  Dr. Lalrokima Chenkual Asst. Director, DM&R; Pu Lalmuansanga Ralte Under Secretary UD&PA; Pu C. Lalmuanawma Asst. Town Planner, UD&PA; leh Oriental Insurance, New India Assurance, United India Insurance, SBI General leh National Insurance aiawhte an tel bawk a ni.